1․ Ներածություն

«Ուրարտու»  համալսարանի  գործունեության ռազմավարական կարևոր ուղղություններից են նրա մրցակցային կարողությունների բարձրացումը և կրթության որակի ապահովումը:

Բենչմարքինգի՝ որպես կրթության որակի գնահատման կարևորագույն գործիքի կիրառումը իրենից ներկայացնում է տարբեր բուհերի առաջավոր փորձի համեմատական վերլուծություն` լավագույն ռազմավարությունների վերհանման և սեփական բուհում ներդրման նպատակով:

Բենչմարքինգը համալսարանին թույլ է տալիս համաքայլ ընթանալ կրթության ոլորտում իրականացվող բարեփոխումներին՝ ի շահ դասավանդման և ուսումնառության, գիտահետազոտական-ստեղծագործական գործունեության, տրամադրվող կրթական ծառայությունների պատշաճ որակի ապահովման: Համալսարանում բենչմարքինգի(համեմատական վերլուծության) իրագործումը հնարավորություն է տալիս գնահատելու կայացված որոշումների, ընտրված ռազմավարական ուղիների արդյունավետությունը և նպատակահարմարությունը, ինչպես նաև ապահովել համալսարանի գործունեության շարունակական բարելավումը:

Սույն փաստաթուղթը նկարագրում է «Ուրարտու»  համալսարանի բենչմարքինգի քաղաքականությունը և ընթացակարգը: Այն մշակվել է՝ առաջնորդվելով ՀՀ բարձրագույն և հետբուհական կրթության օրենքով, բուհի կանոնադրությամբ և զարգացման ռազմավարությամբ, որակի ապահովման եվրոպական չափանիշներով և չափորոշիչներով՝ միջազգային առաջավոր փորձի ուսումնասիրության արդյունքում:

2․ Բենչմարքինգ

2․1 Բենչմարքինգի քաղաքականության նպատակը

«Ուրարտու»  համալսարանի  բենչմարքինգի քաղաքականության նպատակն է խրախուսել համալսարանում որակյալ կրթությունը, բարելավել արդյունքները և ներդնել որակի ապահովման համապատասխան մեխանիզմներ՝ ազգային և միջազգային փորձերի ուսումնասիրության և համեմատության, լավագույն փորձի բացահայտման միջոցով: Քաղաքականությունն ու ընթացակարգը միտված են ապահովելու համակարգված և միասնական մոտեցում որակի ապահովման խնդիրների լուծմանը:

2․2 Բենչմարքինգ

Սույն քաղաքականության և ընթացակարգի շրջանակներում բենչմարքինգը նշանակում է այլ առաջավոր բուհերի փորձի համեմատական վերլուծություն, որի նպատակն է բարելավել        «Ուրարտու»  համալսարանի  կրթության որակը՝ ներդնելով այլ հաստատություններում բարձր արդյունավետություն ունեցող գործընթացներ, որոնք կարող են նպաստել բուհի առաջընթացին:

«Ուրարտու»  համալսարանը որդեգրել է Ռ.Կոմպի կողմից մշակված՝ բենչմարկինգի իրականացման 10 փուլանոց մոտեցումը.

1. Բենչմարկինգի առարկայի որոշում,
2. Բենչմարկինգի գործընկերոջ որոշում,
3. Տեղեկատվության հավաքագրման օպտիմալ եղանակի որոշում և տվյալների  հավաքագրում,
4. Մրցունակության ապահովման տեսակետից ցուցանիշների նմանության և տարբերությունների որոշում,
5. Արդյունավետության հնարավոր ցուցանիշների պլանավորում,
6. Տեղեկատվության ապահովում բոլոր շահագրգիռ կողմերին բենչմարկինգ արդյունքների մասին, նրանց ներգրավումը բենչմարկինգի անցկացման գործընթացում: Որակի կորպորատիվ մշակույթի ձևավորում,
7. Բուհի գործունեության արդյունավետության ավելացման կոնկրետ նպատակների և խնդիրների մշակում,
8. Նպատակներին հասնելու և խնդիրների լուծմանն ուղղված կոնկրետ գործողությունների կատարման ռազմավարության մշակում,
9. Պլանավորած միջոցառումների անցկացում և արդյունքների ամրագրում և ամփոփում,
10. Բենչմարկինգի անցկացման ընթացքում ստուգման ենթակա կետերի մոնիթորինգ:

2․3 Գործարկման շրջանակը

«Ուրարտու»  համալսարանի  բենչմարքինգի քաղաքականությունը և ընթացակարգը ենթակա է կիրառման համալսարանի կառուցվածքային ստորաբաժանումների կողմից, որոնց ղեկավարները կրում են պատասխանատվություն այն կենսագործելու համար:

2․4 Բենչմարքինգի սկզբունքները

«Ուրարտու»  համալսարանի  կառուցվածքային ստորաբաժանումների կողմից իրականացվող բենչմարքինգի ծրագրերը պետք է .

• Բխեն        «Ուրարտու»  համալսարանի  ռազմավարական նպատակներից և խնդիրներից,
• Հնարավորություն ընձեռեն ուսումնասիրել    լավագույն    փորձը, բարելավել բուհում ընթացող գործընթացները,
• Բացառեն ձևականությունը, ապահովեն արդյունավետություն,
• Թույլ տան համալսարանում ներդնել նորարարական մոտեցումներ ,
• Տեղեկատվության փոխանակման ընթացքում ապահովեն գաղտնիությունը, արդյունքների հասցեական կիրառումը,
• Պահպանվեն  տեղեկատվության նկատմամբ հեղինակային իրավունքները և էթիկայի նորմերը:

3․ Բենչմարքինգի գործընթացի կառավարումը

Բենչմարքիգնի գործընթացի կառավարումը իրականացվում է համալսարանի գիտական խորհրդի կողմից, ում բացառիկ լիազորությունն է համալսարանում բենչմարքինգի արդյունքների կիրառման մասին որոշումների ընդունումը:

3․1 Բենչմարքինգի նպատակով համագործակցող հաստատությունների ընտրություն

Բենչմարքինգն իրականացնելու համար անհրաժեշտ է ընտրել համապատասխան գործընկերներ, որը գործընթացի հաջողության կարևորագույն նախապայմաններից է: Այդ նպատակով համագործակից բուհը պետք է.

• Ունենա համադրելի առաքելություն, ռազմավարական նպատակներ և խնդիրներ,
• Իրականացնի նմանատիպ կրթական ծրագրեր,
• Ունենա տեղեկատվության փոխանակման ցանկություն,
• Լինի առաջավոր կրթական հաստատություն,
• Ունենա    որակի    ապահովման    համապատասխան    մեխանիզմներ    և    որակի բարելավմանն միտված քաղաքականություն:

3․2 Բենչմարքինգի գործընթացը

• Բենչմարքինգ նախաձեռնող ստորաբաժանումը պետք է իր աշխատանքները համակարգող պրոռեկտորին ներկայացնի մանրամասն տեղեկատվություն իրականացվելիք բենչմարքինգի առարկայի, նպատակի, խնդիրների մասին, հիմնավորի բուհի ռազմավարական ծրագրի հետ համահունչությունը, նշի բենչմարքինգի համագործակիցների շրջանակը:
• Բենչմարքինգի գործընթացի իրականացման համար ֆինանսական ռեսուրսների անհրաժեշտության պարագայում, այն նախապես համաձայնեցվում է ԳՀՍՈՒՀ-ի ղեկավարության հետ:
• Համապատասխան պրոռեկտորը վերոնշյալ փաթեթը փոխանցում է Համալսարանի կրթության որակի պատասխանատուին՝        «Ուրարտու»  համալսարանի  ռազմավարական զարգացման և որակի ապահովման խնդիրների հետ համահունչության վերաբերյալ կարծիք ստանալու նպատակով:
• Բացասական կարծիքը պետք է հիմնավորված լինի: Անհրաժեշտության դեպքում կազմակերպվում են հանդիպումներ՝ բենչմարքինգի գործընթացը նախաձեռնած ստորաբաժանման ներկայացուցիչների հետ:
• Դրական կարծիքի հիման վրա, համապատասխան պրոռեկտորի կողմից գրավոր համաձայնություն ստանալուց հետո, անհրաժեշտ է ձեռնամուխ լինել դրա իրականացմանը:
• Բենչմարքինգի գործընթացի մասին տեղեկատվությունը արձանագրվում և պահպանվում է տվյալ ստորաբաժանման կողմից:
• Տեղեկատվության համադրության և համեմատության հիման վրա կազմվում է արձանագրություն և հաշվետվություն՝ բենչմարքինգի արդյունքների և ստացված տվյալների վերաբերյալ:
• Հաշվետվությունը ներկայացվում է համապատասխան ստորաբաժանման գործունեությունը համակարգող պրոռեկտորի քննարկմանը և հաստատմանը:
• Հաշվետվությունը պարտադիր ներկայացվում է նաև կրթության որակի պատասխանատուին:
• Բենչմարքինգի արդյունքում կազմվում է միջոցառումների ծրագիր՝ միտված ուսումնասիրվող ոլորտի բարելվմանը և նոր գործընթացների ներդրմանը, որը քննարկվում և ընդունվում է գիտական խորհրդի նիստում:
• Յուրաքանչյուր ուսումնական տարվա ավարտին համապատասխան ստորաբաժանման ղեկավարը, իր ստորաբաժանման տարեկան զեկույցում, ներկայացնում է բենչմարքինգի արդյունքների և նախանշված ծրագրերի վերաբերյալ հակիրճ հաշվետվություն: