[av_one_full first min_height=” vertical_alignment=” space=” row_boxshadow=” row_boxshadow_color=” row_boxshadow_width=’10’ custom_margin=” margin=’0px’ mobile_breaking=” border=” border_color=” radius=’0px’ padding=’0px’ column_boxshadow=” column_boxshadow_color=” column_boxshadow_width=’10’ background=’bg_color’ background_color=” background_gradient_color1=” background_gradient_color2=” background_gradient_direction=’vertical’ src=” background_position=’top left’ background_repeat=’no-repeat’ highlight=” highlight_size=” animation=” link=” linktarget=” link_hover=” title_attr=” alt_attr=” mobile_display=” id=” custom_class=” aria_label=” av_uid=”]

[av_textblock size=” av-medium-font-size=” av-small-font-size=” av-mini-font-size=” font_color=” color=” id=” custom_class=” av_uid=’av-ksbnt1u4′ admin_preview_bg=”]

«ՈՒՐԱՐՏՈՒ» ՀԱՄԱԼՍԱՐԱՆԻ ՈՐԱԿԻ ԱՊԱՀՈՎՄԱՆ ՔԱՂԱՔԱԿԱՆՈՒԹՅՈՒՆԸ ԵՎ ԸՆԹԱՑԱԿԱՐԳԵՐԸ

«Ուրարտու» համալսարանի որակի ապահովման (այսուհետ` ՈԱ) քաղաքականությունը նրա առաքելության, ռազմավարական նպատակների իրականացմանն ուղղված գործողությունների և գործընթացների ընդհանուր ռազմավարություն ու ընթացակարգ է, որը համապատասխանեցված է Բարձրագույն կրթության զարգացման ՀՀ քաղաքականության նպատակներին ու սկզբունքներին, եվրոպական չափորոշիչներին ու ուղենիշներին, ինչպես նաև աշխատաշուկայի հարափոփոխ կարիքներին: ՈԱ քաղաքականության կենսագործման համար նախադրյալ են հանդիսանում «Ուրարտու» համալսարանի իրական կարողությունները և դրանց հաշվառմամբ ընտրված կոնկրետ գործողությունների իրականացման գործիքակազմը:

ՈԱ քաղաքականության նպատակն է.

Ապահովել «Ուրարտու» համալսարանում բարձրագույն մասնագիտական կրթության որակի բարելավումը` մասնագիտական կրթությունը համապատասխանեցնելով աշխատաշուկայի կարիքներին,
Ներդնել համակարգված, թափանցիկ և իրատեսական ընթացակարգեր՝ համալսարանում ուսումնական գործընթացի արդյունավետ կազմակերպման, գիտական հետազոտությունների բարձր մակարդակի ապահովման համար:

ՈԱ քաղաքականության խնդիրներն են.

բարելավել համալսարանի կառավարման համակարգը և կատարելագործել նրա կառույցները,
համապատասխանեցնել գործող մասնագիտությունների կրթական ծրագրերը որակավորումների ազգային շրջանակի բնութագրիչներին, նմանատիպ առաջավոր բուհերի կրթական ծրագրերին, աշխատաշուկայի պահանջներին,
ապահովել սովորողների, պրոֆեսորադասախոսական, վարչական և ուսումնաօժանդակ կազմի պատշաճ ներգրավվածությունը որակի ապահովման գործընթացներում,
նպաստել բուհում գիտահետազոտական գործունեության զարգացմանը և ուսումնական գործընթացի հետ դրա փոխկապակցվածությանը,
նպաստել համալսարանի մարդկային, ֆինանսական, կրթական և այլ ռեսուրսների առավել արդյունավետ և նպատակային զարգացմանը, պլանավորմանը և բաշխմանը,
նպաստել համալսարանի միջազգայնացմանը, ՀՀ և արտերկրի համալսարանների հետ փոխադարձ կապերի հաստատմանն ու զարգացմանը, ակադեմիական փոխանակումների ու շարժունության խրախուսմանը և բարձրագույն կրթության եվրոպական միասնական տարածքին ինտեգրմանը,
ամրապնդել և ներդաշնակեցնել ՈԱ համալսարանական և ֆակուլտետային կառույցների գործունեությունը որակի կառավարման հարցերում,
որակի կառավարման շրջափուլային մոդելի ներդրմամբ անընդհատ բարելավել ՈԱ համակարգը, կատարելագործել և արդիականացնել ՈԱ գործառույթները, ընթացակարգերը, չափանիշները և դրանց հետ առնչվող պաշտոնական փաստաթղթերը,
ապահովել որակի ներքին և արտաքին գնահատման գործընթացների փոխհամաձայնեցումը` նպաստելով համալսարանի ինստիտուցիոնալ և ծրագրային հավատարմագրմանը,
նպաստել բուհում որակի մշակույթի ձևավորմանը և հետագա զարգացմանը,
նպաստել բուհի հասարակական պատասխանատվության բարձրացմանը` ապահովելով հաշվետվությունների թափանցիկություն և հասանելիություն:

ՈԱ ՔԱՂԱՔԱԿԱՆՈՒԹՅԱՆ ԻՐԱԿԱՆԱՑՄԱՆ ԸՆԹԱՑԱԿԱՐԳԵՐԸ

ՈԱ քաղաքականության նպատակների իրականացումն ու խնդիրների լուծումը ենթադրում են ՈԱ հետևյալ հիմնական ընթացակարգերը:

1․ Կառավարման և վարչարարության ՈԱ.

համալսարանի կառավարման համակարգի կատարելագործում՝ հետևողականորեն կիրառելով հաշվետվողականության և թափանցիկության մեխանիզմները,
կառավարման մարմինների գործառույթների հստակեցում, պաշտոնների անձնագրերի վերամշակում՝ ի նպաստ արդյունավետ կառավարման և որակի շարունակական բարելավման,
կառավարման մարմինների գործունեությանը ուսումնառողների ակտիվ մասնակցության ապահովում:

2. Կրթական ծրագրերի ՈԱ.

կրթական ծրագրերի համապատասխանեցում որակավորումների ազգային և եվրոպական շրջանակներին,
կրթական ծրագրերի պլանավորման, փորձաքննության, պաշտոնական հաստատման, պարբերական մշտադիտարկման, գնահատման և վերանայման գործընթացներում բոլոր շահակիցների (ուսանողների, գործատուների, դասախոսների) ներգրավվածության ապահովում,
կրթական ծրագրերի սահմանված նպատակների և դասավանդման, ուսումնառության ու գնահատման ընտրված մեթոդների համապատասխանեցում ակնկալվող կրթական վերջնարդյունքներին,

ծրագրերի և դասընթացների բովանդակությունը, ուսուցման մեթոդաբանությունը և ծրագրերի իրականացման որակը գնահատելու նպատակով ուսանողների բավարարվածության վերաբերյալ պարբերական հարցումների անցկացում:

3. Պրոֆեսորադասախոսական կազմի ՈԱ.

պրոֆեսորադասախոսական կազմի գործունեության արդյունավետության պարբերական գնահատում բազմաչափ մոտեցմամբ՝ ներառելով ուսանողների, ամբիոններիի և գործընկեր դասախոսների կողմից դասախոսի գնահատումը, դասախոսի ինքնագնահատումը,
պրոֆեսորադասախոսական կազմի որակավորման աստիճանական բարձրացման և մասնագիտական վերապատրաստման գործուն համակարգի մշակում և իրականացում,
պրոֆեսորադասախոսական կազմի մրցութային ընտրության, պաշտոնների տեղակալման, տարակարգային առաջքաշման և խրախուսման համակարգերի կիրարկում:

4․ Դասավանդման և ուսումնառության ՈԱ.

դասավանդման և ուսումնառության նոր մեթոդների և տեխնոլոգիաների ներդրում, առաջավոր փորձի փոխանակում,
դասընթացի և առանձին ուսումնական մոդուլի յուրացման արդյունքների օբյեկտիվ և թափանցիկ գնահատում (ընթացիկ և ամփոփիչ քննություններ),
ծրագրի կրթական վերջնարդյունքների օբյեկտիվ և թափանցիկ գնահատում (ավարտական ամփոփիչ ատեստավորում),
գնահատման ձևերի ու մեթոդների արդյունավետության վերաբերյալ ուսանողական պարբերաբար հարցումների կազմակերպում,
ուսանողների գնահատման գործընթացի վերաբերյալ դասախոսների շրջանում պարբերական հարցումների անցկացում՝ կիրառվող չափանիշների, ձևերի ու մեթոդների արդյունավետության գնահատման նպատակով:

5․ Ուսումնական ռեսուրսների և ուսումնաօժանդակ ծառայությունների ՈԱ.

ուսումնական ռեսուրսների և ուսումնաօժանդակ ծառայությունների որակի գնահատում ուսանողների բավարարվածության վերաբերյալ հարցախույզերի միջոցով, որոնք գնահատում են համալսարանի շենքային պայմանները, գրադարանի և համակարգչային սրահների աշխատանքը, համացանցի մատչելիությունը, լսարանների և ուսումնական լաբորատորիաների կահավորանքը, տեխնիկական հագեցվածությունը, կարիերայի կենտրոնի աշխատանքը և խորհրդատվական այլ ծառայությունների արդյունավետությունը, ուսումնաօժանդակ անձնակազմի գործունեության որակը:
ուսումնական ռեսուրսների և օժանդակ ծառայությունների որակի գնահատում դասախոսների բավարարվածության վերաբերյալ հարցախույզերի միջոցով, որոնք գնահատում են ինստիտուտի ենթակառուցվածքներն ու դրանց կառավարումը, գրադարանի և համակարգչային սրահների աշխատանքը, համակարգիչների ու համացանցի մատչելիությունը, լսարանների և ուսումնական լաբորատորիաների կահավորանքը և այլն:

6․ Գիտահետազոտական գործունեության ՈԱ.

գիտահետազոտական աշխատանքներում պրոֆեսորադասախոական կազմի լայն ներգրավում,
գիտահետազոտական աշխատանքներում ուսանողների ներգրավվածության խրախուսում,
դասախոսական կազմի մրցութային ընտրության, պաշտոնների տեղակալման, տարակարգային առաջքաշման, նյութական ու բարոյական խրախուսման գործում գիտական հրատարակությունների թվի և վարկանիշների հաշվառում:

7․ Միջազգայնացման ՈԱ.

համալսարանի միջազգային կապերի բաժնի գործունեության արդյունավետության և որակի բարելավում, բուհի միջազգայնացման ռազմավարության մշակում և իրագործում,
առկա գործընկերային կապերի ամրապնդում և խորացում, նոր կապերի և համագործակցության հաստատում,
պրոֆեսորադասախոսական կազմի, սովորողների մասնակցություն դրամաշնորհային և փոխանակման ծրագրերին:

8․ Հասարակական պատասխանատվության և հանրային կապերի ՈԱ.

հասարակությանը մատուցվող ծառայությունների ընդլայնում, դրանց արդյունավետության և որակի բարելավում,
համալսարանի վերաբերյալ հրատարակվող նյութերի քանակի, ծավալի և բովանդակության մշտադիտարկում,
համալսարանի վերաբերյալ հանրային կարծիքի ուսումնասիրությունների պարբերաբար անցկացում,
շարունակական կրթության և վերապատրաստման դասընթացներում բուհի ընդգրկվածության ընդլայնում, կատարվող աշխատանքի մշտադիտարկում:

[/av_textblock]

[/av_one_full]