ՀԱՄԱԼՍԱՐԱՆԻ ՖԱԿՈՒԼՏԵՏՆԵՐԸ

«Ուրարտու» համալսարանն ունի 2 ֆակուլտետ, որոնք  գործում են Կորյուն 19 հասցում գտնվող մասնաշենքում: Ֆակուլտետի ուսումնադաստիարակչական, ուսումնամեթոդական և գիտահետազոտական գործունեությունը ղեկավարում է ֆակուլտետի դեկանը:

Ֆակուլտետի դեկանը.

• ներկայացնում է ֆակուլտետը համալսարանի այլ ստորաբաժանումների, հանրապետական և միջազգային կազմակերպությունների հետ հարաբերություններում,
• ապահովում է համալսարանի գիտական խորհրդի, ֆակուլտետային խորհրդի, ռեկտորատի որոշումների, ռեկտորի հրամանների և պրոռեկտորների կարգադրությունների, հրահանգների կատարումը,
• ռեկտորին առաջարկություններ է ներկայացնում ուսանողներին կուրսից կուրս փոխադրելու, խրախուսելու, կրթաթոշակ նշանակելու, կարգապահական տույժի ենթարկելու, հեռացնելու, վերականգնելու, ակադեմիական արձակուրդ ձևակերպելու, ինչպես նաև ֆակուլտետից ֆակուլտետ ուսանողների ակադեմիական շարժունության վերաբերյալ,
• կազմակերպում և վերահսկում է ուսումնական գործընթացը ֆակուլտետում,
• մասնակցում է  դասալսումներին,
• հաստատմանն է ներկայացնում ուսումնական պարապմունքների դասացուցակները և վերահսկում դրանց կատարումը,

• կազմակերպում և վերահսկում է միջանկյալ և ամփոփիչ քննությունների անցկացումը
• իրականացնում է ֆակուլտետի ուսումնադաստիարակչան, ուսումնամեթոդական ու գիտահետազոտական գործունեության հետ կապված գործընթացներ:

Ֆակուլտետի կառուցվածքային հիմնական միավորը ամբիոնն է: Այն ուսումնագիտական գործընթացի կազմակերպման հիմնական ստորաբաժանումն է, և միավորում է տվյալ մասնագիության առարկաների դասախոսներին:

Ամբիոնը՝

• մասնակցում է մասնագիտությունների կրթական ծրագրերի և ուսումնական պլանների մշակմանն ու ներդրմանը,
• իրականացնում է ուսումնական պլաններով նախատեսված դասախոսությունների, գործնական, սեմինար և այլ պարապմունքների անցկացումը,ընթացիկ քննությունների, ստուգարքների անցկացումը, մասնակցում է  ավարտական քննություններին,
• մշակում, հստատում է կուրսային ու դիպլոմային աշխատանքների թեմաները և ղեկավարում ուսանողների կողմից դրանց կատարումը,
• ղեկավարում է ուսանողների ուսումնական, արտադրական և նախադիպլոմային պրակտիկաների անցակումը,
• մշակումն ու հաստատում է ամբիոնում դասավանդվող բոլոր առարկաների ուսումնական ծրագրերը և իրականացնում դրանց դասավանդումը,
• մշակում է ուսումնական բոլոր պարապմունքների անցկացման ուսումնամեթոդական նյութերը,
• իրականացնում է գիտահետազոտական աշխատանք և իրականության մեջ դրանց արդյունքների հնարավոր ներդրումը,
• պատրաստում, խմբագրում ու հրատարակության է հանձնում ուսումնամեթոդական (դասագրքեր, ուսումնական ձեռնարկներ, ուղեցույցներ, այլ նյութեր) և գիտական աշխատանքները,
• մշակում ու իրականացնում է արդի տեխնիկական միջոցների օգտագործումը դասապրոցեսում,
• կազմակերպում է դասալսումներ ու քննարկում դրանց արդյունքները,
• մշակում ու իրականացնում է ուսանողների գիտահետազոտական աշխատանքների ղեկավարումը,
• կազմակերպում է ուսանողների շրջանում դաստիարակչական աշխատանքներ,
• իրականացնում է Հայաստանի Հանրապետության և արտասահմանյան բուհերի համապատասխան ամբիոնների հետ ուսումնական, ուսումնամեթոդական և գիտահետազոտական աշխանատքների համագործակացություն:

Ամբիոնը ղեկավարում է ամբիոնի վարիչը, որը 5 տարի ժամկետով ընտրվում է համալսարանի գիտական խորհրդի կողմից փակ (գաղտնի) քվեարկությամբ: