ԼԻԼԻԹ ԳՈՒՐԳԵՆԻ ՄԵԼԻՔՅԱՆԻ ԹԵԿՆԱԾՈՒԱԿԱՆ ԱՏԵՆԱԽՈՍՈՒԹՅԱՆ ՊԱՇՏՊԱՆՈՒԹՅՈՒՆԸ

Սույն թվականի հոկտեմբերի 27-ին արձանագրվեց «Ուրարտու» համալսարանի հերթական հաջողությունը։Խաչատուր Աբովյան անվան հայկական պետական մանկավարժական համալսարանում գործող գիտական աստիճաններ շնորհող ԲՈԿ-ի հոգեբանության 064 մասնագիտական խորհրդի` 27.10.2022թ. նիստում թեկնածուական ատենախոսությունը գերազանց պաշտպանեց «Ուրարտու» համալսարանի հայցորդ Լիլիթ Գուրգենի Մելիքյանը «Օտար լեզվի ուսումնառության սոցիալ-հոգեբանական հիմնախնդիրները» (ԺԹ.00.03 «Սոցիալական հոգեբանություն») թեմայով։

«Ուրարտու» համալսարանի պրոֆեսորադասախոսական անձնակազմի և ուսանողության անունից շնորհավորում ենք Լիլիթ Մելիքյանին և նրա գիտական ղեկավարին` հոգեբանական գիտությունների դոկտոր, պրոֆեսոր Ս.Ա.Սեդրակյանին պաշտպանության կապակցությամբ, ցանկանալով նորանոր գիտական ձեռքբերումներ և հաջողություններ։